Ydy Bezos yn hel mwyar?
Ydy Bezos yn ei ardd?
Ydy e’n rhannu plwms ag adar,
Ydy e’n ceisio bod yn fardd?
—
Mae ei fryd ar fynd i’r gofod,
Ac am byth mae e am fyw,
Tybed, a dyw hyn ddim syndod,
Ydy e eisiau bod yn dduw?
—
Wel ‘rhen Bezos, os doi heibio,
Cei di blatied lawn o ffa
Sydd rhwng blodau’r ardd yn dringo,
A chei brofi tarten dda.
—
Dan y palmwydd cei orffwyso’n
Gynnes dan yr awyr las,
Teimlo’r awel yn dy fwytho,
Yma cei o’r ‘byth’ beth flas.