Mewn cyfarfod i NGOau yr ieithoedd bach.
Nid NGO wyf i
Ond un ar dân,
Ymgyrchwr
Credwr yn rhyddid Cymru
Un y mae’r Gymraeg yn ei ddiffinio,
Dyna pwy wyf i
Nid hynny’n unig chwaith.
Rwy’n hanner Almaenwr
Sy’n gallu diosg ei ddiffiniad
O bryd i’w gilydd
I ymgolli ym moeth a normalrwydd iaith arall.
Ond rhaid dychwelyd
I berswadio awdurdodau
I lythyrau â chwangos
I gwyno os na chaf ateb
I drefnu digwyddiadau
I geisio cadw llun ar drefn ar weithwyr brwd
I ysgrifennu wedyn hyd y gallaf
I sgrifennu’r papur bro
I annerch hwnt ac yma.
A wyddant hwy?
Mae ganddyn nhw drefn i ieithoedd bach yn Conseil d’Europe.
A’n Teyrnas Unedig ryddfrydig –
Ni wnaeth Ffrainc hynny –
Wedi llofnodi pum deg tri o gymalau
Yng nghytundeb yr ieithoedd bach.
Ac yn awr mae trefnwyr y cytundeb
Am gael sylwadau gan NGO.
Bydd rhaid imi felly
Esgus bod yn NGO ar ôl dychwelyd.
Wn i ddim a wna i enjoio
Bod yn En-Ji-o.